【請多給我一點時間】許亦妮愛犬患淋巴癌第5期自責生女後忽略照顧 - 香港蘋果日報

saoskalo.blogspot.com

前港姐許亦妮（現名許芷熒）於今年2月榮升媽咪，寶貝女「馮寶寶」已6個月大，初為人母的她不時在網上分享湊女樂，而本身育有兩隻雪橇愛犬Cooper和Enzo的她，並沒有因為生B而棄養，是一個好主人；然而，上月Cooper確診患了淋巴癌，許亦妮昨晚在社交網撰長文自責，生女後忽略了愛犬，令牠不開心才生病，希望上天能給他們多一點時間！

許亦妮指上月Cooper唞氣聲好大，摸牠頭頸時發現淋巴腫大，醫生初步確診患淋巴癌，如甚麽也不做，可能只餘幾星期命，如做化療，可能有多12至18個月，「知道咁嘅情況，嗰刻真係晴天霹靂！心裏面諗，點會咁㗎！點會嚟得咁突然？我仲有好多嘢想同佢一齊去做，亦都好多自責嘅感覺，覺得點解冇早啲幫狗狗發現呢個病？又或者係咪有啲乜嘢自己做得唔好，令到狗狗有咁嘅情況？」

之後許亦妮帶愛犬去睇專科，確定牠患上淋巴癌第5期，即刻做化療保命，由於醫生指復發機會大，她很珍惜跟Cooper繼續生活的日子，「其實我覺得呢個係上天畀多一次機會我哋，好好珍惜同愛Cooper。我自己亦有自我反省，覺得自己生完馮寶寶之後好似冇咁關注Cooper同Enzo，亦有可能因為咁，令到佢哋唔開心，其實狗狗會感受到的，當佢哋被忽略，或者唔開心，都會同人一樣可能會病。亦有一個靈性角度嚟睇， 可能狗狗會覺得自己嘅使命已經完成， 我哋已經唔需要佢，所以係時候去彩虹橋...」

她希望Cooper 為期6個月的化療能順利完成，感謝上天能給他們多一點時間，「所以上天現在畀多一次機會我去好好珍惜，我都會盡我一切能力，將時間同愛分配得更加平均。」網民都留言叫她加油。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！

Let's block ads! (Why?)

September 08, 2020 at 11:12AM
https://ift.tt/3lZkGaG

【請多給我一點時間】許亦妮愛犬患淋巴癌第5期自責生女後忽略照顧 - 香港蘋果日報

https://ift.tt/3fCTCd5